Tækjariðill skal hann nefndur

Ég legg hér með til að þeir sem hamast kynferðislega á ýmsum tækjum og tólum verði kallaðir "tækjariðlar".  Þessi hegðan er náskyld annari tegund riðla sem eiga það sammerkt með tækjariðlum að hamast kynferðislega á því sem ekkert líf er í. Shocking

mbl.isÝmislegt reynt til þess að fá fullnægingu
 


Setjum Listaháskólann og tengda starfsemi niður í jaðar Miklatúns

Af hverju eru menn að reyna að koma of stórri og klossaðri byggingu Listaháskólans niður á Laugaveg þegar nóg er landrýmið á Miklatúni?  Túnið hefur alltaf litið út eins og borgin hafi aldrei vitað hvað hún ætlaði sér með þetta svæði.  Nú er tækifæri til að  laga þetta svæði til og færa meira líf inn á það. 

Það er kjörið að nýta þennan mikla reit í þágu listarinnar.  Miklatúnið er "miðsvæðis" í gamla bænum og gæti því orðið miðstöð menningar og listar þjóðarinnar á einum besta stað í borginni.  Með því að setja byggingar í jaðar túnsins sem þjónuðu allri tegund listar þá rammaðist svæðið af og þarna yrði innri garður með mjög fjölbreytt mannlíf allt árið.  Það væri hægt að koma fyrir litlum verslunum og kaffihúsum á jarðhæð þeirra bygginga sem þarna yrðu byggðar og leggðu áherslu á menningarlíf þjóðarinnar.  Tónleikahald og aðrir lifandi listviðburðir gætu svo átt athvarf í garðinum.  Með þessu gæti listasnobbið og við hin setið á kaffihúsi, rölt á milli vinnustofa listamanna og verslana og notið okkar út í ystu æsar á mjög fallegum stað. 


Sáttur Bubbi sættir sig við að einhver annar hafi eignast peninga hans á silfurfati.

Ja hérna, er Bubbi bara sáttur við að miljónirnar hans hafi farið í vasa þeirra sem eru að hafa fólk að fíflum í spilavíti fjármálageirans?  Mattador-karlarnir hljóta að vera ánægðir með svona auðmýkt og lítillæti.  Þeir treysta væntanlega á að hægt sé að hafa fleiri að fíflum ef viðbrögðin eru ekki hastarlegri en þetta.


mbl.is Allur sparnaðurinn fór
Tilkynna um óviðeigandi tengingu við frétt

Hún er alger sogskál á mig þegar ég sé hana á skjánum

Það er eitthvað verulega mikið að í kollinum á konum sem láta dæla endalaust bótoxi í sig.  Varirnar á Huggy eru algert slys í þeim efnum.  Þegar hún birtist á skjánum þá fær maður það á tilfinninguna að það mætti hengja hana á rúðu eða spegil því varirnar myndu soga hana fasta.  Væri ekki briljant að markaðsetja litlar Huggy dúkkur sem mætti hengja á rúður og spegla?Grin


mbl.is Tískan er harður bransi
Tilkynna um óviðeigandi tengingu við frétt

Skaut Glitnir ekki eignum undan gjaldþrotameðferð með þessum gjörningi?

Fjöldi starfsmanna og væntanlega viðskiptavina byggingafyrirtækisins Mest vöknuðu upp við vondan draum um daginn þegar Glitnir tók með mjög vafasömum hætti vænlegustu bitana úr rekstri fyrirtækisins og setti undir nýja kennitölu og hóf sjálft rekstur þess félags.  Með þeim gjörningi lamaði bankinn rekstur gamla félagsins og skildi nokkra tugi starfsmanna eftir atvinnu og launalausa í lífvana fyrirtæki.  

Nú er staðan sú að leifarnar af Mest eru komnar í gjaldþrotameðferð undir allt öðru nafni og tugir starfsmanna fyrirtækisins sitja uppi með ógreidd laun og tapaðar launa og viðskiptakröfur.  Er jafnvel óttast að töpuð laun hjá sumum starfsmanna nemi hundruðum þúsunda þar sem ábyrgðarsjóður launa dekkar ekki launakröfur viðkomandi nema upp að vissu marki.  Staðan er því ekki góð hjá þeim einstaklingum og fjölskyldum þeirra.     

Ætla má að löngu áður en til rekstrarstöðvunar kom hafi bæði bankinn og yfirstjórn fyrirtækisins staðið í ströngu við að reyna bjarga því sem bjargað yrði í rekstri fyrirtækisins.  Þessi tími hefur vitaskuld verið fyrirtækinu og bankanum erfiður þar sem menn hafa átt erfitt um vik með að ræða stöðu mála við starfsmenn.  Einmitt þess vegna bítur sök saklausann í þessu máli.  Hvers eiga þeir starfsmenn að gjalda sem þarna var fórnað og voru léttvægt metnir í aðför bankans að fyrirtækinu?  Aðili er ég ræddi við um þetta mál lagði kalt mat á það er hann sagði, “svona gjörningi fylgja vissar fórnir”.  Já þannig er nú það með þetta blessaða fólk, það er bara sláturfórn í sérhagsmunagæslu bankans og fer því vel á því að því sé fórnað á altari guðs peninganna, Mammon.  Glitnir bíður sláturfórnum sínum væntanlega á næstunni í ráðgjöf í peningamálum fyrir hæfilegt gjald.   

Starfsmenn Mest, eða Tæki tóla og túrtappa eins og einhver gárunginn orðaði það svo smekklega, eru væntanlega með skuldir á bakinu og veðsett heimili.  Fjárhagsleg staða þess fólks er þá komin í uppnám vegna plotts bankans í þessu máli.  Hrunadansinn heldur áfram þar sem útistandandi laun fást ekki greidd svo ekki sé talað um laun á uppsagnafresti og ógreitt orlof svo eitthvað sé nefnt.  Þessu fólki eru allar bjargir bannaðar og allgerlega ótækt að bankinn geti frítt sig ábyrgð á hvernig komið er.     

Í ljósi þessa verður manni spurn hvernig banki geti í nafni allsherjarveðs verið eigið dóms og framkvæmdavald í aðför að fyrirtækjum þegar þau eru að komast í þrot í rekstri sínum?  Er ekki eitthvað að löggjöfinni í landinu þegar lánastofnun er heimilt að sækja með þessum hætti að illa stöddu fyrirtæki?  Ber lánastofnunin sjálf enga ábyrgð á að hafa dælt peningum í rekstur sem ekki var lengur nein forsenda fyrir?   

Hvað allt þetta mál varðar þá trúi ég ekki fyrr en á reynir að yfirvöld peningamála sætti sig við að banki geti kippt til sín kjarnastarfsemi fyrirtækis og rekið restarnar bara si svona í gjaldþrot.  Það gefur auga leið að fyrirtækinu sem og starfsmönnum þess eru allar bjargir bannaðar þegar svona aðferðum er beitt.  Bankinn er þarna að skjóta sér undan ábyrgð á eigin glæfraskap í útlánastarfsemi sinni sem er alger óhæfa.  Bankinn naut væntanlega góðs af rekstrinum þegar allt lék í lindi.  Ef bankinn á þá hluta fyrirtækisins sem hann hefur nú kippt til sín, þá á hann líka þann hluta sem fór í þrot.  Fyrir mér er þetta svo vafasamur gjörningu að ég skil ekki annað en stjórnvöld taki á þessu máli.  

Á sama tíma og svona mál koma upp er nú rætt um í alvöru að ríkið bakki upp óráðsíu bankanna síðastliðinn ár með hundruð miljara lántöku.  Ég segi nei við ráðamenn okkar, látum bankana bragða á eignin meðulum í þessum efnum.  Þar er bara ein leið fær...  


mbl.is Mest gjaldþrota
Tilkynna um óviðeigandi tengingu við frétt

« Fyrri síða

DanTh

DanTh
DanTh

Við sem þjóð berum ekki ábyrgð á svikamyllu útrásarinnar.  Útrásin var verk fjárglæframanna í einkageiranum og spilltra stjórnmálamanna. 

Við vitum hverjir fóru svona með samfélagið, tjónið er hrikalegt, gerum þá persónulega ábyrga fyrir því

kraft@itn.is

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Færsluflokkar

Innskráning

Ath. Vinsamlegast kveikið á Javascript til að hefja innskráningu.

Hafðu samband