Setur þú flokkshollustuna ofar eigin velferð?

Það var málið....

Sem sagt þegar brotist er inn til fólks og það rænt öllum verðmætum, þá er það heimilisfólkinu að kenna en ekki þjófnum.

Hvenær losnum við við allt þetta pakk af Alþingi?

	Ekki vondum útlendingum að kenna
Ábyrgðarmaður færslu Tilkynna um óviðeigandi tengingu við frétt

Þetta er hrein ósvífni!!

Mikið virðist maðurinn almennilegur, hann bara frestar gjaldtökunni vegna þess að hún kom fólki að óvöru.

Það er allstaðar verið að hafa almenning að féþúfu. Sorpa er fyrirtæki sem vinnur með þeim hætti nánast frá a-ö. Margt af því sem almenningur losar sig við, verður Sorpu að tekjum. Það er því ósvífni og hreinn dónaskapur í garð almennings að skattleggja losun úrgangs þegar sá úrgangur verðurð að verðmæti sem Sorpa selur.

Ég held fólk muni bara hætta almennri umhirðu garða sinna eða leita annarra leiða til þess að losa sig við garðaúrgang ef þessi skattheimta verður að veruleika.

	Sorpa frestar gjaldtöku
Ábyrgðarmaður færslu Tilkynna um óviðeigandi tengingu við frétt

Við erum að krefjast leiðréttingar höfuðstóls og bóta vegna tjóns af völdum bankanna en ekki niðurfellingar á hluta af láni

Ég held stjórnvöldum sem og fjölmiðlum sé ekki sjálfrátt í þessu máli. Þeir sem urðu fyrir fjárhagslegu tjóni af völdum starfshátta bankanna eru ekki að kalla eftir niðurfellingu lána, heldur krefjast þess að höfuðstóll lánanna sé færður til þess sem hann var í upphafi, þ.e. fyrir hrunið þegar hvert og eitt lán var tekið....og vitaskuld það uppreiknað til dagsins í dag á "eðlilegu" gengi.

Við erum sem sagt að krefjast leiðréttingar höfuðstóls og bóta vegna tjóns en ekki niðurfellingar á láni. Þau öfl sem tala með þeim hætti að um sé að ræða afskriftir lána hugsa ekki rökrétt eða fara fram með þessum hætti til þess að letja fólk í að berjast fyrir rétti sínum. Ég hallast að seinni skýringunni og tel þar liggja á bak við valdabaráttu þeirra sem telja sig yfir almenning hafna.

	Afskriftir verða skattlagðar
Ábyrgðarmaður færslu Tilkynna um óviðeigandi tengingu við frétt

Þessi kona er partur af þeirri elítu EU sem lifir eins og afætur á þegnum sambandsins

Bara ekki orð um það meir.

	Barónessa segir kröfur á Íslendinga hæfilegar
Ábyrgðarmaður færslu Tilkynna um óviðeigandi tengingu við frétt

Var ekkert skatteftirlit í einkavina-góðæri ráðamanna "þjóðarinnar" ?

Bara spyr svona..............

	Hundraða milljarða skattsvik
Ábyrgðarmaður færslu Tilkynna um óviðeigandi tengingu við frétt

Birna er meðal þeirra sem drógu þann vagn sem skaðaði lántakendur....

Líkt og aðrir glæpamenn þessa mesta peningaráns Íslandssögunnar, þá forðast Birna að ræða málið eins og það er. Bankarnir tjónuðu alla sína viðskiptavini með gjörðum sínum, þeim ber að bæta fyrir það tjón, þó þeir fari á hausinn við það.

	Birna: Erum að nota svigrúmið
Ábyrgðarmaður færslu Tilkynna um óviðeigandi tengingu við frétt

Ég held þessi arfavitlausi penni.....

Forsetinn hefur sé villu síns vegar og er að reyna að bjarga þjóðinni undan heimskulegu dekri sínu við útrásarvíkingana og forheimsku stjórnmálamannanna. Karl Th. horfir einfaldlega rangeyður á þetta mál. Honum væri nær að þakka Ólafi fyrir hans nálgun á þessu máli.........og beina frekar spjótum sínum að þeim ráðamönnum, sem með málflutningi sínum, hafa gengið erinda Breta og Hollendinga í þessu máli.

	„Taktu leikhlé, herra forseti"
Ábyrgðarmaður færslu Tilkynna um óviðeigandi tengingu við frétt

Enn ein útgönguleið elítunnar......en skríllinn mun að sjálfsögðu bera byrðarnar

Það væri fróðlegt að vita hvaða fyrirtæki beita þessum brögðum, hverjir séu eigendur þeirra og hvaða stjórnmálaflokkum þeir tengjast. Þetta er nefnilega sú dæmigerða sérhagsmunaspilling sem stjórnvöld bjóða sí og æ upp á þegar "ætlun" er að dreifa skattbyrðinni með jafnari hætti í samfélaginu. Það er kominn tími á að undanskotsöflin séu stöðvuð strax í stað þess að þeim sé stöðugt gert kleyft að hlaup út um bakdyrnar þegar skattmann mætir á svæðið.

	Komast undan persónulegri ábyrgð
Ábyrgðarmaður færslu Tilkynna um óviðeigandi tengingu við frétt

Til varnar tortryggni

Ég tek mér það bessaleyfi að skella hér inn grein eftir einn besta penna Dagblaðsins, Jón Trausta Reynisson. Það þarf ekkert að bæta við þetta, greinin stendur undir sér sjálf.

Til varnar tortryggni

Jón Trausti Reynisson

jontrausti@dv.is

Leiðari Föstudagur 19. júní 2009 kl 07:41

Þeir sem vilja eyða tortryggni og endurvekja samstöðuna á Íslandi mættu athuga að brennt barn sem ekki forðast eldinn er að öllum líkindum greindarskert.

Það er ekkert að því að vera greindarskertur eða glaðlyndur í hvívetna, en sá sem mælir fyrir slíku viðhorfi fyrir heila þjóð ætti með réttu að vera tortryggður. Allt bendir nefnilega til þess að það hafi verið skorturinn á tortryggni sem gerði yfirvöldum og bönkum kleift að stefna almenningi í mesta fjárhagstjón síðari ára.

Undanfarið hefur verið töluverður áróður gegn tortryggni og afsprengi hennar, gagnrýni. Sigríður Benediktsdóttir í rannsóknarnefnd um efnahagshrunið átti að víkja vegna þess að hún gagnrýndi hið augljósa, að hérlendis hefði vantað eftirlit. Annaðhvort vantaði eftirlitið, eða eftirlitið sá það sem var að og gerði ekkert í því. Það er vægari skoðun að telja eftirlitið hafa stundað gáleysi, frekar en vanrækslu að yfirlögðu ráði.

Eva Joly, ráðgjafi í rannsókninni, átti líka að víkja, meðal annars vegna þess að hún væri að ala á tortryggni.

Það er þekkt í rannsóknum félagsfræðinnar að hópur sem mætti kalla yfirstétt svarar öðruvísi um álitamál í þjóðfélaginu en aðrir borgarar. Þessi hópur er tiltölulega fámennur, en samanstendur af stjórnendum og þeim sem hafa mun hærri tekjur en hinn venjulegi maður.

Taka mætti dæmi af stýrivöxtum. Háir vextir eru góðir fyrir þá sem eiga mikið fé, því þeir auka vaxtagróðann á sparifénu. Þeir eru vondir fyrir þá sem skulda, því þeir hækka skuldirnar. Áhrif stýrivaxta eru afstæð eftir því hvaða stétt þú tilheyrir. Svo vill til að hópur þeirra sem hagnast á háum vöxtum er fámennur og í tilfelli Íslands eru flestir þeirra erlendis. Samstaða á ekki við í þessu tilfelli, en samt er þetta eitt mikilvægasta álitamálið í landinu.

Svo vill til að hefðbundnum fjölmiðlum er jafnan stjórnað af stétt stjórnenda, og slíkt fólk er yfirleitt fengið til að veita álit sitt í fjölmiðlum. Vald hefðbundinna fjölmiðla hefur hins vegar farið þverrandi, vegna þess að skoðanavaldið hefur dreifst á netinu.

Skortur á tortryggni hentar til dæmis þeim sem vilja aðhafast án eftirlits og þeim sem hafa unnið gegn hagsmunum almennings. Tortryggni upp að einhverju marki er hins vegar nauðsynleg í hagsmunagæslu fyrir almenning. Enginn getur heimtað traust. Það ávinnst með hæfni og heiðarleika.

Vegna hrunsins hefur almenningur myndað með sér eina virka móteitrið gegn spillingu yfirvalda og ranggjörðum gegn fjöldanum. Það er heilbrigt að almennir borgarar tortryggi yfirvöld. Þeir ættu að fylgjast með hverri einustu aðgerð yfirvalda, ekki síst rannsókninni á misgjörðum þeirra sem nærðust á krosseignatengdum gerviviðskiptum sem almenningur borgar nú fyrir. Það gagnrýna lífsviðhorf sem Íslendingar hafa öðlast síðustu níu mánuði er of mikilvægt til að því verði eytt með ástæðulausri samstöðu og blindu trausti.

Tortryggni er ekki vandinn, hún er lausnin.

Hver er munurinn á greiðslubyrði erlendra lána vegna kaupa á fríðindajeppa undir rassgatið á úvarpsstjórans og svo okkar hinna?

Greiðslubyrði erlendra lána hefur tvöfaldast hjá okkur öllum sem erum með slík lán. Ástand verðlags er í takt við það, en við þurfum samt ekki að hafa áhyggjur af því. Samkvæmt úttekt Seðlabankans, höfum við það bara askoti gott, þó svo eiginfjárstaðan sé komin í mínus og tekjurnar standi ekki lengur undir greiðslubyrði lána okkar. Steingrímur og Jóhanna eru sammála úttekt Seðlabankans, enda telja þau að það sé svigrúm til að bæta í hjá okkur með auknum álögum. Við megum svo eiga von á einhverju álíka frá sveitarfélögunum.

Hvað er það annars í þessu máli með greiðslubyrði lánsins á jeppa útvarpsstjóra sem gerði það að frétt nú? Það er löngu vitað að svona er ástandið búið að vera í öllu samfélaginu frá því bankarnir hrundu. Heimilin og fyrirtækin eru að sligast undan rekstrarlánum sínum, bíla og húsnæðislánin hafa tvöfaldast sem og önnur lán í erlendri mynt. Munurinn á okkur venjulegum almúgamanninum og útvarpsstjóra er þó sá að við þurfum að borga okkar bílalán, sama hver staðan á þeim er, en hans eru hlunnindi greidd af útvarpi allra landsmanna.

Það er einhvern veginn alltaf þannig að þegar heimilin barma sér undan okinu, þá fara af stað sérfræðingar sem snúa dæminu á hvolf og gera lítið úr ástandi mála. Nú bíð ég eftir því að einhver þeirra fari í saumana á þessu máli með Pál og greiðslubyrði jeppans. Það verður væntanlega auðvelt að finna það út fyrir okkur að þetta sé nú ekki eins slæmt og af er látið. Eru annar ekki að koma auknar tekjur í kassann með nýjum nefskatti í ágúst sem ættu að standa undir þessu? Hvaðan skildu þær tekju svo koma?

Í ágúst er að koma nýr hlustendaskattur yfir okkur landsmenn, ofan á allt annað sem er að sliga okkar fjármál. Þökk sé þingmanninum og fyrrum ráðherra menntamála, vini og velunnara útvarpsstjóra, Þorgerði Katrínu. Megi þeir sem kölluðuð þennan skatt yfir okkur fá eilífan hiksta fyrir óhæfuna. En þessi skattur er 17.200,00 króna eingreiðsla sem leggst á hvern einstakling heimilisins sem er yfir 16 ára aldri, verði ykkur að góðu, skatturinn er í boði Sjálfstæðisflokksins.