Það var málið....

Sem sagt þegar brotist er inn til fólks og það rænt öllum verðmætum, þá er það heimilisfólkinu að kenna en ekki þjófnum.

Hvenær losnum við við allt þetta pakk af Alþingi?

Ekki vondum útlendingum að kenna

Athugasemdir

[Jón Sigurðsson (IP-tala skráð) 7.4.2010 kl. 22:07]

Þjófurinn var strákurinn á heimilinu en ekki utanaðkomandi aðili.

[DanTh, 8.4.2010 kl. 09:10]

Jón, við skulum ætla að fjölskyldan sé heiðarleg og grandvör en einn heimilismaðurinn ekki og hann stelur frá fjölskyldunni.  Hann er þá væntanlega að stela frá öðrum inni á heimilinu, ekki sjálfum sér.  Hann er því þá að skaða heimilisfólkið og heimilið í heild sinni í eigingjörnum tilgangi.  Þegar hann fer svo í víking, og rænir erlendis, þá er hann að gera það á eigin vegum en ekki fjölskyldunnar.  

Svo er það rangt hjá Gylfa að ástandið hér sé ekki vondum útlendingum um að kenna.  Þó hér hafi verið framið eitt mesta peningarán sögunnar af íslenskum þegnum, þá koma erlendir vogunarsjóðir einnig við sögu.  Þó þeir þannig lagað séð séu taldir löglegir, þá starfa þeir mikið til eins og sjóræningjar peningamarkaðarins.  Þeir koma jafnt erlendis frá sem og innanlands.  Sekt útlendinga er því líka mikil.   

Með innleggi þínu finnst mér þú fara í þau spor þeirra sem vilja fela þessa glæpamenn meðal þjóðarinnar.  Það er nefnilega þannig að þeir sem vilja kalla þessi óhæfuverk yfir þjóðina og gera hana samábyrga eru að gera það, að ég tel, í mjög annarlegum tilgangi.  Geir Haarde og Ingibjörg Sólrún sögðu:  "við skulum ekki leita sökudólga".  Það var ekki að undra, þau voru samsek upp fyrir haus ásamt Alþingi og eftirlitsstofnunum sem þessir menn höfðu með ýmsu móti keypt til hlýðni við sig. 

Þó þó við búum í sama þjóðfélagi og einir mestu fjárglæframenn sögunnar,ir, þá gerir það okkur ekki vitorðsmönnum þeirra fyrir það eitt að við séum öll Íslendingar.  

Ég hef oft spurt mig hverskonar  réttlætiskennd og siðferðismat er það sem fær nokkurn mann til að dæma heila þjóð fyrir óhæfuverk fáeinna glæpamanna í viðskiptalífinu og inni á Alþingi?